attakaththi

அட்டகத்தி திரை விமர்சனம்- சில படங்கள் எனக்கு காரணம் இல்லாமலே முதல் நாள் முதல் கட்சி பார்கத்தோ ன்றும் .  அந்த வரிசையில் அட்டகத்தியும்.

கதை என்று பார்த்தால்  காதலித்து திருமணம் செய்து கொள்ள வேண்டும் என்பதற்காக  ஒரு ஒரு பெண்ணாக காதலித்து  அது சொதப்பலாகிவிடுவதுதான் கதை,

அங்கங்கே சிறிது  தொய்வு  ஏற்பட்டாலும்  அழகான காட்சி அமைப்புகளினால்
நம்மை படத்துடன் ஒன்றிவிட செய்து விடுகிறார் புது இயக்குனர்  ரஞ்சித்.
அண்ணன் அம்மா அப்பா  தாத்தா  கேரக்டரில்  நடிப்பவர்கள் இயல்பாக நடிப்பதும்  அந்த காட்சி அமைப்புகளும்  ஒரு அழகான ஹை கூ .

படத்தின் கதாநாயகன்  மிக நன்றாக செய்திருக்கிறார்.  குறிப்பாக  சோகமாக
தெரிவதற்காக  அவர் முக பாவங்களை மாற்றி மாற்றி  முயலும்போது  அசர
வைக்கிறார்

கதாநாயகி நாம் அன்றாடம் சந்திக்கும் பெண் போல இயல்பாக  வலம் வருகிறார்.

இசை பற்றியும் பின்னணி பற்றியும் அவசியம் சொல்லியாக வேண்டும்.
கிடார் வாத்தியத்தை அழகாக பயன் படுத்தி இருக்கிறார் இசை  அமைப்பாளர் .

பாடல்கள் அழகாக படமாக்கபட்டிருக்கிறது .  ஒளிப்பதிவு துல்லியம்.

படத்தின் எடிட்டிங் நன்றாக இருந்தாலும் , dissolve editing  என்ற பாணி பின்பற்றபட்டிருக்கிறது . சாதாரணமாக ஒரு சீன் முடிந்தபிறகுதான் இந்த
முறை பயன்படுத்தப்படும்.  ஆனால் புதிய முயற்சியாக   shot by shot இதை பயன்படுத்தி இருப்பதால் கண்கள்  உறுத்து வது  என்னவோ  நிஜம் .

விரசம் இல்லாமல்  யதார்த்தமான  படம் பார்க்க விரும்பினால் , சிறிது காலம் பின் நோக்கி  நாம் பயணிக்க விரும்பினால்  தாராளமாய் பார்க்கலாம்.

அது சரி  அட்டகத்தி  title  pottu  படம் தொடங்கும்போது  வீட்டில்  MGR  படம்
காண்பிப்பது   கிராமத்து வீடுகளில்  MGR  படம் இருக்கும் என்பதாலா ?
ஏன்  எனக்கு சந்தேகம் என்றால்  அந்தகாலத்தில்  மக்கள் திலகத்தை  அட்டகத்தி வீரர் என்று மாற்று அணியினர்  விமர்சிப்பது உண்டு